Palm User Message Board

千里傳音 - 鬼佬許冠傑: stephen lynch

大大大大袋隊長 - 2005-06-01 1:59
文章主題: 鬼佬許冠傑: stephen lynch
呢條友歌聲似足林一峰, 但佢填既詞, 經常玩押韻, 兼且反映「民生」.
今日既「民生」, 唔再係柴米油鹽樣樣加, 所以佢要講性愛、離婚、溝女.

內容非常政治不正確, 但拋高貴情感, 內容非常搞鬼.

有一首歌 She farted, 講佢同條女瘋狂做愛,
細看女友慢慢睡著, 發一個仲夏夢, 好一個浪漫深宵,
點知女友突然放屁. 味道飄送過黎時, 眼水都標出黎, 奶水都凝固埋, 牆身油渿都要剝落.

另一條溝女心情歌: she gotta smile
佢去pickup 時, 嘩, 有條女好正, 向佢拋晒眉眼,
佢心想: 今日係我既世界喇!! 惡夢是: 靚女身邊, 總有肥婆在左近,
to ruin his fxxking fun.

仲有一首金曲: If I were gay.
講佢同一個男性朋友既曖眛關係,
內容若即若離, 之但係........................... 真係峰迴路轉.

聽完佢d 歌之後, 硬係覺得佢係騎呢版鬼佬許冠傑.

試聽在此:
Amazon

官方網址

當然要o係網上搵佢d 歌, 晤, 各大小P2P 真係好用.


所有的時間均為 台北時間 (GMT + 8 小時)
Powered by phpBB 2.0 .0.16 © 2001 phpBB Group