Palm User Message Board

yau · 發表於: 2005-06-09 6:11 文章主題: 台灣千面王

台灣呢鑊真係天下之大, 無奇不有.

台北早幾日爆出有人偷運殯儀館死人飯, 送到餐廳供應.
爆料人兼親民黨議員王育誠拿出影片, 拍到一名黑衣人
偷運殯儀飯的過程. 罪證滔滔, 無從抵賴,
佢仲話: 「共有6 間店涉案!」

王育誠本身是東森的節目主持,
東森於是率先播出一段「記者獨家直擊」報道,
將偷飯過程偷拍出來.

嘩, 大件事, 台灣媒體即時發瘋追訪, 行政院話要嚴肅追查,
議會大力鞭打, 現時殯儀業棄掉飯菜的過程, 存在漏洞, 必須修補.
行政院話管不著時, 電視台再煲: 民眾恐慌呀!!

不過, 詭異係, 傳媒即時追查 6 間涉案舖頭時, 又找不著.
這些店不是早已結業, 就是名字不符,
有一間被攝入鏡頭的舖頭, 更加嚴正否認.
TVBS 當時仲訪問王育誠, 佢話: 誰會承認自己有做過?
不會為他們澄清!

再追查之後, 唔對路喇! 有記者望見影片中偷運飯菜的電單車,
源著線索追查, 但車主竟然話, 「那部車早幾天掉了.」

事件發展到尋日, 終於真相大白.
一切都係王育誠自編自導,
片段中的人, 是臨記, 假既!
那些舖頭, 都係假.
成段片, 就係所謂模擬片段.

台灣新聞一向多模擬片段.
警察曾經大規模追捕兇徒時, 有電視台趕不及拍攝, 結果為傳媒重演一次,為求迫真, 仲用實彈呯呯幾聲, 場面震撼.
又試過扮綁架案事主, 重演一次被劫過程. 蠻牛比人落毒的過程, 一樣有特寫境頭重播又重播.
更無聊係, 一個小小棄嬰被人發現的經過, 一樣要「重演」一次.

不過以事件牽連程度、歷時之久、引起社會話題之多,
呢一宗都算最經典.

造假證據既王育誠被踼爆後失控哭訴: 「我是好意的!」
嘩哈哈哈哈哈!!!

【台灣蘋果】王育誠邊搓揉雙眼邊說：「離開我最心愛的親民黨，
對我來說是最大的懲罰，至於後續的政治責任，我還要再思考。」
話才說完，他突然趴在桌上哭喊：「我不想離開親民黨！我是好意的！」
他誇張的動作，讓在場人士一陣錯愕。
_________________
]曾特首之歌
一二三四五六七，多勞多得
星期一至星期七，Donald當得